7 Heol Tomos
Llandeilo
Sir Gaerfyrddin
SA19 6LB. Cymru
+44 (0)1558 824733
post@fronlas.com
Ffasiynol a gwyrdd
Rydym yn byw mewn ardal arbennig o hardd, ac mae’n holl bwysig i ni ein bod yn lleihau’r effaith a gaiff twristiaeth ar ein hamgylchedd. Yn ogystal â defnyddio bwyd organig o ffynonellau lleol, lle bo hynny’n bosibl, cymerwyd camau breision yn ystod y gwaith o ddatblygu Fronlas i leihau’r carbon a gynhyrchir – yn awr ac yn y dyfodol. Rydym yn falch o fod yn aelodau o Dref Trawsnewid Llandeilo, rhan o'r mudiad Trefi Trawsnewid sy'n cymryd camau ymarferol yn lleol i leihau ein dibyniaeth ar olew.
Mae’r trydan a ddefnyddir yn 100% wyrdd, a’r paneli solar yn cyfrannu at gynhesu’r dwr a’r gwresogi tanlawr. Defnyddir matresi gwely organig a gynhyrchir yn lleol, dillad gwely a thywelion organig, a phapur toiled o gotwm organig. Defnyddir peiriannau trydan graddfa ‘A’ trwy Fronlas, gyda setiau teledu a gymeradwyir gan yr Ymddiriedolaeth Arbed Ynni ym mhob ystafell, a bylbiau ynni-isel lle bo hynny’n bosibl. Caiff papur, plastig, metel a gwydr ei ailgylchu a defnyddir gwastraff bwyd i wneud compost.